ШУА-ийн харъяа Баян-Өлгий аймаг дахь Нийгэм, Эдийн засгийн судалгааны төв Монгол улсад орчин үеийн шинжлэх ухааны байгууллага Судар бичгийн хүрээлэн байгуулагдсаны 90 жил, Шинжлэх Ухааны Академи байгуулагдсаны 50 жилийн ойд зориулж, “Төрөлх нутгийн хөгжил: Өнөө ба ирээдүй” сэдэвт онол практикийн бага хурлыг өнөөдөр зохион байгууллаа. Бага хурлыг тус төвийн захирал Г.Золбаяр нээж хэлэхдээ “Манай төв Судар бичгийн хүрээлэнгийн 90, ШУА-ийн 50 жилийн ойн баярыг эрдэм мэдлэгийн баяр болгон тэмдэглэж байгаа. Тиймээс аймаг дахь их, дээд сургуулийн оюутан залуусын дунд танин мэдэхүйн “АХА” тэмцээн, ахлах сургуулийн сурагчдын дунд “эссэ” бичлэгийн уралдаан, эрдэмтэн судлаачид, их дээд сургуулийн оюутнуудын дунд онол практикийн бага хурал зохион байгуулж байна” гэж онцлон хэлэв.
Онол практикийн бага хурлаар төрөлх нутгаа хөгжүүлэх боломжуудын талаар олон сонирхолтой илтгэл тавигдлаа.
Мэдээг бэлтгэсэн : ШУА-ийн харъяа Баян-Өлгий аймаг дахь Нийгэм, Эдийн засгийн судалгааны төвийн эрдэм шинжилгээний ажилтан Н.Эрдэнэбаяр
2011.11.25
Онол практикийн бага хурлаар төрөлх нутгаа хөгжүүлэх боломжуудын талаар олон сонирхолтой илтгэл тавигдлаа.
2011.11.25
No comments:
Post a Comment